Print this pageHe kōkiri a Kia Takatū hei tautoko i ngā kura kaupapa Māori me ngā kura reorua ki te whakatenatena i te noho takatū mō te tūpono mai o tētahi parekura. Ko tāna he whakarato i ngā mōhiotanga me ngā pūkenga ki ngā ākonga e 8 ki te 12 ō rātou tau kia haumaru ai ā rātou mahi ina tūpono mai he parekura.
Nā mātou a Kia Takatū i whakawhanake me te āwhina mai a tētahi rōpū mahi o ngā māngai nō te hapori Māori ki te whakarato i ngā rawa me ngā tauira i te reo Māori. Kua āta hoahoatia ēnei kia whakamahia i te taha o te rauemi reo Ingarihi, arā What’s the Plan Stan.
Kei roto i ngā rawa o Kia Takatū:
- Ko te pukapuka rauemi Kia Takatū mā ngā pouako
Kei roto i taua pukapuka rauemi reo Māori:- he rawa me ētahi tauira hei whakamahinga mā ngā ākonga me ō rātou mātua/whānau
- he pārongo tauwhāiti mō te hapori Māori
- ētahi pakiwaitara e rima mō ō tātou parekura, me ngā mahi me mahi e tātou
- he papakupu o ngā kupu tauwhāiti.
- Ko te kōpae rorohiko Kia Takatū
Kei runga i te kōpae rorohiko tētahi kōnae PDF o te pukapuka rauemi Kia Takatū e taea ai te tāruarua i ētahi tāruatanga anō. Kei runga hoki i te kōpae rorohiko ētahi wāhanga me ētahi tauira ka taea te tā hei kōnae PDF, ka taea hoki te tapahi me te whakapiri hoki hei kōnae Word.
Ka whakaaetia koe te tārua i ngā kōnae i te kōpae rorohiko ki runga i te ipurangiroto a te kura ki te hiahia koe kia wātea ai ki ngā pouako hei whakamahi i roto i ā rātou whakamahere wā ako.
- Ko te kōpae whakarongo, kei runga ko ngā pakiwaitara i te reo Māori
He rauemi hou tēnei hei whakarongo mā ngā tamariki ki ētahi pakiwaitara reo Māori mō ētahi parekura. Kei te whakarato aua pakiwaitara i tētahi tirohanga Māori mō te rū whenua, te hūnga, te ngaru taitoko, te waipuke me te āwhā. Kei te mutunga o ia pakiwaitara he pārongo mō ngā mahi me mahi i mua, i te tūpono mai, i muri hoki o tētahi parekura.
Kei te tika te kōpae whakarongo mō ngā tamariki pūhou atu me te hunga e 8 ki te 12 ō rātou tau e arotahitia ana e tēnei kōpae.
Ka āhei ngā pouako te tiki ake i ngā tauira PDF, Word rānei, o ēnei rauemi Kia Takatū:
Ngā rawa me ētahi tauira hei whakamahinga mā ngā ākonga me ō rātou mātua/whānau
- Whārangi meka parekura
(PDF 488 Kb, Word 167 Kb) - He whakaaro mahi kāinga
(PDF 540 Kb, Word 72 Kb) - He pakiwaitara Kia Takatū
(PDF 1.12 MB, Word 192 Kb) - Tauira 1: Ngā kāri Ka Pēhea Mēnā
(PDF 484 Kb, Word 72 Kb) - Tauira 2: He reta ki ngā mātua
– He kupu whakataki mō te kōwae ako
(PDF 420 Kb, Word 32 Kb) - Tauira 6: He reta ki ngā mātua
– Te whakatahi ohotata me ngā mahere urupare
(PDF 412 Kb, Word 28 Kb) - Tauira 19: He aromātai o te mahi whakatahi
(PDF 428 Kb, Word 28 Kb)
Ngā pakiwaitara parekura
- Ko Rūaumoko Tērā i Whana Inakuanei?
He pakiwaitara mō te rū whenua
(PDF 484 Kb, Word 56 Kb, MP3 5.59 MB) - Mā te Mōhio ki ngā Tohu, ka Rauoratia Pea te Tangata
He pakiwaitara mō te ngaru taitoko
(PDF 560 Kb, Word 48 Kb, MP3 4.01 MB) - Kia Kore Rawa e Tāria, Tērā Pea ka Heipū
He pakiwaitara mō tētahi puia
(PDF 480 Kb, Word 44 Kb, MP3 4.05 MB) - Kua Waipuketia a Waihōpai
He pakiwaitara mō te waipuke
(PDF 552 Kb, Word 52 Kb, MP3 4.84 MB) - Kia Matatū i te Āwhā
He pakiwaitara mō te āwhā
(PDF 580 Kb, Word 52 Kb, MP3 2.65 MB) - Ki te hiahia koe, ka taea te tiki ake i te katoa o te pukapuka rauemi Kia Takatū hei kōnae PDF kotahi:
Kia Takatū He Rauemi (2.13 MB)
Mēnā he hononga hōkai-ipurangi whānui tāu, ka taea e koe te tiki ake i te katoa ote kōpae rorohiko Kia Takatū.
Kei roto i tēnei kōnae atahanga ISO ngā raraunga katoa i tekōpae rorohiko Kia Takatū, ā, ka taea tēnei te tiki ake me te
tahu ki runga i tētahi kōpae CD-R wātea, CD-RW wātea rānei. Me whai pūrere tahu CD me ngā pūmanawa tahu hei mahi i tēnei.
Ka rerekē ngā mahi me whai ki te tahu i tētahi atahanga ISO ki runga i tētahi CD i runga anō i te tūmomo pūmanawa kei a koe.
Te atahanga ISO Kia Takatū (7.3 MB)
Te reo whārangi
